شباب على كيفك
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
شباب على كيفك

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ازاى تبقى رخم؟؟؟؟

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ازاى تبقى رخم؟؟؟؟ في الخميس 7 يناير 2010 - 12:16

Promise


.:: القائــــــــــــد ::.
.:: القائــــــــــــد ::.
ازاى تبقى رخم
دى احد دروس كيف تصبح رخما وسئيلا
يلى نبدأ*
قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .
• هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول.
• و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده "
• لما حد يشكى لك من حاجه قوله يا عم ودى ايه دى أنا عندى مشاكل أكتر منك.
• فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟.
• كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .
• و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه .خلاص راحت .!!• بعد عشر دقايق ، اعمل نفس الحركه تانى .
• و انت بتتكلم مع شخص ما ، ماتبصش فى وشه أبدا .
• و انت بتتكلم مع شخص ما ، افضل مركز فى وشه اوى .
• طول ما أنت قاعد مع زمايلك ، صفر موسيقى نشيد بلادى بلادى .
• علق فانوس كبير فى الشارع و حبال زينه ، بشرط ميكونش فى رمضان !!! .
• أتكلم مع الناس بصوت الروبوت .
• أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!!
• و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .
• فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا.
• اعزم ناس فى حفلات ناس تانيه "عيد ميلاد او خطوبه او فرح ..." .
• سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى!
• أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .
• لو واقف جنب حد بيعد فلوس و فى وسط ما هوا بيعد قول اى رقم عشوائى "862" .
• العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .
• و أنت ماشى فى حته اى حاجه تقابلك طبل عليها .
• البس جراب زى الجراب اللى بيتحط فيه المسدس .. بس حط فيه الريموت كنترول .
• غير القناه قبل نهايه الفيلم او الماتش او المسلسل بخمس دقايق .
*أضحك لواحده ماتعرفهاش فى الشارع وقولها بصوت عالى "ههههههه.. ازيك .. عامله ايه؟!!!
هههههه اي خدمة
lol!


------------------------------------------------------
معاينة صفحة البيانات الشخصي للعضو http://alahrarcity.hooxs.com

2 رد: ازاى تبقى رخم؟؟؟؟ في الخميس 7 يناير 2010 - 14:08

mohamed helal


عضـــو يجى منـــــه
عضـــو يجى منـــــه
هههههههههههههه
جامده تسلم ايدك يا يا حبيب قلبى

معاينة صفحة البيانات الشخصي للعضو

3 رد: ازاى تبقى رخم؟؟؟؟ في الخميس 7 يناير 2010 - 14:16

Promise


.:: القائــــــــــــد ::.
.:: القائــــــــــــد ::.
هههههههههههههه الرخامة بردوة صنعة
تسلم محمد على مرورك الطيب
وفى انتظار مساهماتك الرائعـــة


------------------------------------------------------
معاينة صفحة البيانات الشخصي للعضو http://alahrarcity.hooxs.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى